Mae Adran 14A o’r Ddeddf Gwasanaethau Cymdeithasol a Llesiant (Cymru) yn ei gwneud yn ofynnol i awdurdodau lleol a Byrddau Iechyd Lleol greu Cynlluniau Ardal yn nodi ystod a lefel y gwasanaethau a ddarperir yn eu hardal mewn ymateb i Asesiadau Poblogaeth rhanbarthol. Mae’n rhaid creu’r Cynlluniau hyn bob 5 mlynedd ac mae’n rhaid cyhoeddi’r cynlluniau cychwynnol erbyn 1 Ebrill 2018.
Cytunwyd ar Gynllun Ardal Gorllewin Cymru ar gyfer 2018-23, sef ‘Cyflawni Newid Gyda’n Gilydd’, gan y Bwrdd Partneriaeth Ranbarthol, ac mae wedi cael ei gefnogi gan Gyngor Sir Caerfyrddin, Cyngor Sir Ceredigion, Cyngor Sir Penfro a Bwrdd Iechyd Prifysgol Hywel Dda. Mae’n cynnwys cyfres o ymrwymiadau strategol y bydd y Bartneriaeth yn eu gweithredu dros y pum mlynedd nesaf i gynorthwyo’r gwaith o ran trawsnewid ac integreiddio gofal a chymorth yn y Rhanbarth.
Mae’r Cynllun ar gael drwy ddilyn y ddolen ganlynol yma. Mae hefyd ar gael ar Borth Data Gorllewin Cymru, sydd wedi cael ei ddatblygu mewn partneriaeth ag Uned Ddata Cymru. Mae hyn yn darparu mynediad i ystod eang o ddata ynghylch poblogaeth a gwasanaeth ar gyfer y rhanbarth ac mae’n galluogi ein Cynllun i gael ei ddiweddaru’n rheolaidd i adlewyrchu datblygiadau lleol a chenedlaethol, ynghyd ag adrodd ar gynnydd yn ôl yr ymrwymiadau yn ein Cynllun.
I gael rhagor o wybodaeth cysylltwch â Martyn Palfreman, Pennaeth Cydweithredu Rhanbarthol drwy anfon neges e-bost at MJPalfreman@sirgar.gov.uk neu ffoniwch 01267 228978.
We use cookies to ensure that we give you the best experience on our website. If you continue without changing your settings, we'll assume that you are happy to receive all cookies from this website. If you would like to change your preferences you may do so by following the instructions here. ACCEPT